“Almaty CityPASS” көмегімен туристер үш күн ішінде оңтүстік астананың көрікті жерлерін, мұражайлары мен экскурсияларын тамашалай алады және сонымен бірге көп уақыт пен ақшаны үнемдей алады.
Картаға Алматының 12 туристік нысаны қосылған. Турист сонымен қатар қоғамдық көліктердегі объектілер арасында жүру үшін “ОНАЙ” көлік картасы бар CityPASS сатып ала алады.
“Біз Алматыда әлемдегі ең ірі қалалар мен туристік орталықтарда-Нью – Йоркте, Амстердамда, Копенгагенде, Парижде, Берлинде, Лондонда, Ослода және басқаларында бар смарт-картаны іске қосу туралы айтып отырмыз.
Бұл Қазақстанда іске қосылатын туристің екінші смарт-картасы. CityPass қазірдің өзінде Астанада бар, ал болашақта Щучье-Бурабай курорттық аймағында іске қосу жоспарлануда. Әлемнің барлық ірі қалаларында осындай карталардың болуын ескере отырып, біздің қалаларымыз бен туристік орталықтарымыз да ерекшелік болмауы тиіс деп санаймын”, – деді “Kazakh Tourism “ҰК” АҚ Басқарма төрағасы Рашид Күзембаев.
CityPASS жиынтығына мыналар кіреді:
смарт – карта-көрікті жерлерге өту үшін микрочипі бар пластикалық карта.
қаланың сипаттамасымен және қазақ, орыс және ағылшын тілдеріндегі көрікті жерлер мен туристік маршруттардың аудиогидтеріне сілтемелері бар Нұсқаулық.
қаланың толық картасы.
“Welcome”тарифтік жоспары бар SIM-карта.
“Онай” көлік картасы (міндетті емес).
“CityPASS Kazakhstan” жобасы өткен жылы Астанада “Kazakh Tourism “ҰК” АҚ және “Астана Конвешн Бюро” ЖШС қолдауымен іске қосылды. 2017 жылы 30 мыңнан астам Astana CityPASS картасы сатылды.
Толығырақ ақпаратты телефон арқылы алуға болады:
8 (7172) 47-85-65 немесе сайтта.
